Web design and Web Developer

Web design and Web Developer


 هل كل الناس بقت Web Developerواي حد يروح يشتغل على اي فريم وورك بقي Web Developer 🙄؟ 

يعنى  Web Developer اصلا

ايه مفهوم ال web developer بالضبط؟!

يعني عمليا, أي حد شغال في أمازون أو جوجل أو فيسبوك, بالتعريف العام, اسمه web developer.لان بيببقي مطور مش مصمم ودا تقريبا الوصف العام

المشكلة في التعريف المصري اللي بيرسي في الاخر انه frontend developer وبيعرف يحنتف شويه حاجات تانية زي انه يعمل كود بتاع SQL Server (أو تعامل مع قواعد بيانات بشكل عام) وشويه حاجات كده. 

طب المشكلة جت منين؟!

المشكلة جت في مصر والوطن العربي بشكل عام (وبرضه شويه شركات على مستوي العالم بشكل اقل) من الشركات اللي بتبني بنظريه "قيف الحاجة" وهي إن شركة يجيلها طلب إنها تعمل web site لشركة تانية وكل اللي بتعمله إنها تشغل واحد designer ومعاه واحد ولا اتنين developers من اللي بيقيفوا الحاجة وكل اللي بيعملوه يستعملوا شوية frameworks جاهزة وخلصنا على كده.

طب بالنسبة مثلا للسيستم بتاع ال web site ده. ال architecture بتاعته إزاي؟!

إيه نظام ال load balancing ؟!

طب ال failover شغال إزاي؟!

فيه كام data center وكل واحد فيهم سعته قد إيه؟!

حسابات ال performance analysis كلها نظامها إيه؟!

ال security إزاي وبيعمل إيه؟!

ال data بتاعتك وبتاعه ال customers معمولها كام نسخة احتياطي وإزاي بتحول مابين ال primary وال secondary وهل التحويل ده بيبقي seamless ولا ال user بيحس بيه؟!

ال updates بيتم إزاي؟ هل بيبقي ال web site down وبتكب انه down for maintenance ولا بتعمل إيه؟! مظنش إن فيه حد عمره شاف موقع زي google.com ولا facebook.com ولا amazon.com عمره كتب "down for maintenance", مش كده؟!

الحاجات ده وحاجات تانية أكتر بكتير اللي بتفرق وبتخلي أي حد يقول أنا web developer أو أنا software engineer بغض النظر أنا شغال في إيه.

يعني أنا مثلا بعتبر نفسي software engineer عادي. ليه؟!

لما رحت اشتغلت في فريق ال SQL Server مثلا, معلوماتي عن ال databases كانت صفر.

وده كان نفس النظام لما اشتغلت في Halo ونفس الكلام لما رحت amazon وانا عمري ما كتبت سطر كود في web app ولا عمري اشتغلت على linux ولا java ولا أي حاجة من ديه.

المشكلة في مصر إن معظم الشركات مبسوطة باللي هي شغالة فيه ومش عايزة تتغير. السوق بيعمل نفس المنتجات من أكتر من 15 سنة لحد دلوقتي

في أي شركة كبيرة عندها web development حقيقي, مش هتلاقي أبدا مسمي وظيفي اسمه "web developer" علشان هتلاقي frontend developer, و هتلاقي Database administrator وهتلاقي big data scientist, وهتلاقي frontend designer, وهتلاقي security engineer وهتلاقي system architect وهتلاقي system engineer و cloud developer ومليون مسمي وظيفي علشان في شركة زي جوجل ولا فيسبوك ولا أمازون, الموضوع مش بالسهولة ولا التفاهة بتاعت "دول بيعملوا ويب سيت" وخلاص!


سؤال بقي 

مين يقدر يقارن بين  الweb Designer والWeb Developer ؟؟؟؟ 👌

 اي الفرق بين 
Web design وWeb Developer

👇

الويب ديزاينر Web Designer

 هو مصمم مواقع الويب ،ووظيفته الأساسية هي إنشاء موقع بالكامل و لكن تركيزه يكون على الشكل و الجمال و الإخراج العام،ولكن إذا كان نص

في الموقع وظائف متقدمة مثل المواقع التي تعمل بنظام العضوية أو مواقع المزادات فهنا يأتي دور مطور الويب Web Developer و دا اللي بيركز على الوظيفة أكثر من الشكل،فهو مبرمج بعكس المصمم ودا المفروض يكون فنان و له ذوق في الألوان،أما المطور فاهتمامه الأساسي على وظائف الموقع المتقدمة وكمان اللي بتحتاج لبرمجة.


مصمم الوب يحتاج للآتي:

لتعلم الفوتوشوب (أو أي برنامج معالجة صور يقوم مقامه مثل Firework)

تعلم تصميم اللقطات المتحركة ببرنامج الفلاش (او ما يقوم مقامه من برامج إنتاج الفلاشات),

تعلم تصميم الصفحات ببرنامج مثل Dreamweaver أو Frontpage أو Microsoft Expression

إضافة إلى مهارات التعامل مع CSS وبعض اللغات ذي JavaScript و كيفية إعداد المنتديات و غرف الشات و التعامل مع أحد برامج إدارة المحتوى مثل Joomla أو Drupal او Xoops

و هو أسهل نوعاً ما من وظيفة المطور Developer و الحاجة إليه أكثر من المطور و لكن الراتب بيكون  أقل من المطور

أما مطور الويب Web Developer☺️

يحتاج لتعلم أحد التالي :

لغة PHP مع قاعدة البيانات MySql

أو أحد لغات microsoft .Net مثل لغة C# مع قاعدة بيانات SQL Server

أو لغة جافا مع قاعدة البيانات Oracle

او برمجة Cold Fusion مع أي قاعدة بيانات

أو البرمجة بلغة الأكشن سكريبت في برنامج الفلاش

أو لغة Ruby أو لغة Perl او لغة Python مع قاعدة البيانات MySql

هذا بالإضافة إلى مهارات لغة HTML و لغة JavaScript و التعامل مع CSS و AJAX

و من الممكن ان يجمع بعض هذه اللغات و التقنيات في عمل واحد

و احيانآ كتيرة يكون المصمم و المطور هو نفس الشخص (يكون يفهم في الجانبين و له ذوق فني)

مجال إحتياج المطور يكون في الشركات الكبيرة التي تقوم بتصميم مواقع إحترافية أو برامج تشتغل عبر الإنترنت عن طريق المتصفح.

أما أغلب المهام العادية فيستطيع مصمم الويب عملها،و خصوصاً إذا أتقن استخدام برنامج إدارة محتوى معين  و إذا أتقن معرفة الاسكربتات التي يحتاجها في الموقع،لأن الاسكريبتات تمكنه من إضافة وظائف على الموقع دون أن يعرف البرمجة.

تعليقات